US-Israela nbungli bawm hta mungdan chyawm tari, Ali Khamenei, asak 86, si lawm mat ai lam, Iran asuya tv shiga ndau wa masai.
Shawa yawn hkyen nhtoi 40 ya masat ai lam, tsun ai.
February 28, 2026, bat kru ya shani, US hte Israela ginrun nna maja htim gasat ai kaw Iran chyawm tari Ali Khamenei si mat sai lam, gumsan Trump shiga shale ai re.
Dai shani hta sha, Iran gaw grupyin mungdan matsat— Israela, Iraq, Bahrain, Kuwait, UAE, Qata, Saudi Arabia, hte Jordan ni de drone hte missile laknak kaba ni hte gap ai re.
Iran hpe hpa majaw bai htim gasat ra ai lam hpe Israela hte US ningbaw yan ndai zawn sanglang wa ai.
Gumshem Iran a nga rai bawm (nuclear bomb) madu lu hkra galaw shakut tik tik re ai lam gaw Israela shawnglam grin na n grin na hkrit tsang hpa kaba (existential threats) re lam, Hkringmang daju, Slg. Benjamin Netanyahu tsun ai.
Bai, Amerikan amyusha ni a matu mung ya ya jang jahkrit shama wa na masa (imminent threats) re majaw tau makawp maga ra wa ai masa re lam, Gumsan magam Trump tsun ai.
