ဂျာမနီနဲ့ ရုရှားကြား ဆက်ဆံရေးဟာ ယူကရိန်းစစ်ပွဲကနေ သံတမန်ရေး၊ လုံခြုံရေးနဲ့ နှစ်နိုင်ငံပြည်တွင်းနိုင်ငံရေးအထိ ပိုမိုတင်းမာလာနေပါတယ်။
ရုရှားနိုင်ငံခြားရေးဝန်ကြီး Sergey Lavrov က ဂျာမနီဝန်ကြီးချုပ် Friedrich Merz ရဲ့ ဂျာမန်စစ်တပ်ကို ဥရောပမှာ အင်အားကြီးစစ်တပ်တစ်ခုအဖြစ် တည်ဆောက်ရေးမူဝါဒနဲ့ ရုရှားအပေါ် ပြင်းထန်လာတဲ့ ရပ်တည်ချက်တွေကို ဝေဖန်ခဲ့ပါတယ်။
Lavrov က Merz ရဲ့ လုပ်ဆောင်ချက်တွေဟာ လက်တွေ့အကောင်အထည်ဖော်လာနေပြီး “တကယ်တော့သူကကျွန်တော်တို့ကိုစစ်ကြေညာနေသလိုပါပဲ” လို့ စက်တင်ဘာ ၆ ရက်မှာ ပြောဆိုခဲ့ပါတယ်။ Leipzig/Halle လေဆိပ် ဒရုန်းဖြစ်စဉ်နဲ့ ရုရှားကို ဆက်စပ်စွပ်စွဲမှုတွေကိုလည်း မော်စကိုဘက်က အခြေအမြစ်မရှိတဲ့ စွပ်စွဲချက်တွေလို့ ပယ်ချထားပါတယ်။
ဒါပေမဲ့ Merz ကတော့ စက်တင်ဘာ၇ရက် မှာ သူ့ရဲ့ ရုရှားနဲ့ ယူကရိန်းဆိုင်ရာ မူဝါဒကို ပြောင်းလဲမှာမဟုတ်ကြောင်း ပြတ်ပြတ်သားသား တုံ့ပြန်ခဲ့ပါတယ်။
“အထူးသဖြင့်အခုလိုအချိန်မှာရုရှားရဲ့ခြိမ်းခြောက်မှုကနေကျွန်တော်တို့ရဲ့လွတ်လပ်ခွင့်ကိုကာကွယ်ရမယ်ဆိုတဲ့အခြေခံယုံကြည်ချက်ကနေတစ်မီလီမီတာတောင်နောက်ဆုတ်မှာမဟုတ်ပါဘူး။”
ယူကရိန်းကို ဂျာမနီက အကူအညီပေးမှု ရပ်တန့်လိုက်ရင် အခြေအနေ ပိုကောင်းလာမှာမဟုတ်ဘဲ ပိုဆိုးလာမယ် လို့လည်း Merz က ဆိုပါတယ်။ ရုရှားခေါင်းဆောင်ပိုင်းရဲ့ ရည်ရွယ်ချက်ဟာ အနောက်နိုင်ငံတွေရဲ့ ဒီမိုကရေစီနဲ့ တန်ဖိုးစနစ်ကို မတည်မငြိမ်ဖြစ်အောင် လုပ်ဆောင်ဖို့ဖြစ်ပြီး အဲဒီတန်ဖိုးတွေဟာ ညှိနှိုင်းလို့ရတဲ့အရာမဟုတ်ဘူး လို့လည်း ပြောပါတယ်။
တင်းမာမှုဟာ စကားလုံးတွေနဲ့ပဲ မပြီးတော့ပါဘူး။ ဂျာမနီက Leipzig/Halle လေဆိပ်မှာ ဖြစ်ပွားခဲ့တဲ့ ဒရုန်းဖြစ်စဉ်အတွက် ရုရှားကို တာဝန်ရှိတယ်လို့ စက်တင်ဘာ ၁ ရက်မှာ တရားဝင်စွပ်စွဲပြီး Bonn မြို့ရှိရုရှားကောင်စစ်ဝန်ရုံးကိုစက်တင်ဘာ၁၈ရက်မှာပိတ်ဖို့ ဆုံးဖြတ်ခဲ့ပါတယ်။ ရုရှားဘက်က အဲဒီစွပ်စွဲချက်ကို ငြင်းဆိုထားပါတယ်။
အခု စက်တင်ဘာ၇ရက်မှာရုရှားကလည်းတုံ့ပြန်တဲ့အနေနဲ့ St. Petersburg ရှိဂျာမန်ကောင်စစ်ဝန်ရုံးကိုစက်တင်ဘာ၁၈ရက်နောက်ဆုံးထားပိတ်ဖို့အမိန့်ထုတ်လိုက်ပါတယ်။ ဒါ့အပြင် ရုရှားနိုင်ငံအတွင်းရှိ ဂျာမန် Goethe-Institut ယဉ်ကျေးမှုစင်တာတွေကိုလည်းပိတ်သိမ်းပြီးဝန်ထမ်းတွေကိုစက်တင်ဘာ၁၃ရက်နောက်ဆုံးထားထွက်ခွာဖို့ မော်စကိုက အမိန့်ပေးထားပါတယ်။
ရုရှားနိုင်ငံခြားရေးဝန်ကြီးဌာနက လက်ရှိတင်းမာမှုအဆင့်သစ်အတွက် ဂျာမနီဘက်မှာ တာဝန်ရှိတယ်လို့ စွပ်စွဲထားပါတယ်။ ဂျာမနီဘက်ကတော့ ရုရှားရဲ့ “hybrid” လုပ်ဆောင်မှုတွေကို အမျိုးသားလုံခြုံရေး ခြိမ်းခြောက်မှုအဖြစ် မြင်ထားပြီး ယူကရိန်းကို စစ်ရေးနဲ့ အရပ်ဘက်အကူအညီ ဆက်ပေးသွားမယ်လို့ ဆိုပါတယ်။
အခုအခြေအနေအရဘာလင်နဲ့မော်စကိုကြားတင်းမာမှုဟာယူကရိန်းစစ်ပွဲဆိုင်ရာသဘောထားကွဲလွဲမှုကနေကျော်လွန်ပြီးကောင်စစ်ဝန်ရုံးတွေ၊ယဉ်ကျေးမှုအဖွဲ့အစည်းတွေနဲ့နှစ်နိုင်ငံသံတမန်ဆက်ဆံရေးကိုပါတိုက်ရိုက်ထိခိုက်လာတဲ့အဆင့်ကိုရောက်ရှိနေပါတယ်။
ဂျာမနီ–ရုရှားတင်းမာမှုအဆင့်သစ်ရောက် — Lavrov က Merz ကို “စစ်ကြေညာနေသလိုပဲ” ဟုစွပ်စွဲ၊ Merz ကရုရှားအပေါ်မူဝါဒမပြောင်းဟုတုံ့ပြန်
စက်တင်ဘာ၇၊၂၀၂၆ — ဂျာမနီနဲ့ ရုရှားကြား ဆက်ဆံရေးဟာ ယူကရိန်းစစ်ပွဲကနေ သံတမန်ရေး၊ လုံခြုံရေးနဲ့ နှစ်နိုင်ငံပြည်တွင်းနိုင်ငံရေးအထိ ပိုမိုတင်းမာလာနေပါတယ်။
ရုရှားနိုင်ငံခြားရေးဝန်ကြီး Sergey Lavrov က ဂျာမနီဝန်ကြီးချုပ် Friedrich Merz ရဲ့ ဂျာမန်စစ်တပ်ကို ဥရောပမှာ အင်အားကြီးစစ်တပ်တစ်ခုအဖြစ် တည်ဆောက်ရေးမူဝါဒနဲ့ ရုရှားအပေါ် ပြင်းထန်လာတဲ့ ရပ်တည်ချက်တွေကို ဝေဖန်ခဲ့ပါတယ်။
Lavrov က Merz ရဲ့ လုပ်ဆောင်ချက်တွေဟာ လက်တွေ့အကောင်အထည်ဖော်လာနေပြီး “တကယ်တော့သူကကျွန်တော်တို့ကိုစစ်ကြေညာနေသလိုပါပဲ” လို့ စက်တင်ဘာ ၆ ရက်မှာ ပြောဆိုခဲ့ပါတယ်။ Leipzig/Halle လေဆိပ် ဒရုန်းဖြစ်စဉ်နဲ့ ရုရှားကို ဆက်စပ်စွပ်စွဲမှုတွေကိုလည်း မော်စကိုဘက်က အခြေအမြစ်မရှိတဲ့ စွပ်စွဲချက်တွေလို့ ပယ်ချထားပါတယ်။
ဒါပေမဲ့ Merz ကတော့ စက်တင်ဘာ၇ရက် မှာ သူ့ရဲ့ ရုရှားနဲ့ ယူကရိန်းဆိုင်ရာ မူဝါဒကို ပြောင်းလဲမှာမဟုတ်ကြောင်း ပြတ်ပြတ်သားသား တုံ့ပြန်ခဲ့ပါတယ်။
“အထူးသဖြင့်အခုလိုအချိန်မှာရုရှားရဲ့ခြိမ်းခြောက်မှုကနေကျွန်တော်တို့ရဲ့လွတ်လပ်ခွင့်ကိုကာကွယ်ရမယ်ဆိုတဲ့အခြေခံယုံကြည်ချက်ကနေတစ်မီလီမီတာတောင်နောက်ဆုတ်မှာမဟုတ်ပါဘူး။”
ယူကရိန်းကို ဂျာမနီက အကူအညီပေးမှု ရပ်တန့်လိုက်ရင် အခြေအနေ ပိုကောင်းလာမှာမဟုတ်ဘဲ ပိုဆိုးလာမယ် လို့လည်း Merz က ဆိုပါတယ်။ ရုရှားခေါင်းဆောင်ပိုင်းရဲ့ ရည်ရွယ်ချက်ဟာ အနောက်နိုင်ငံတွေရဲ့ ဒီမိုကရေစီနဲ့ တန်ဖိုးစနစ်ကို မတည်မငြိမ်ဖြစ်အောင် လုပ်ဆောင်ဖို့ဖြစ်ပြီး အဲဒီတန်ဖိုးတွေဟာ ညှိနှိုင်းလို့ရတဲ့အရာမဟုတ်ဘူး လို့လည်း ပြောပါတယ်။
တင်းမာမှုဟာ စကားလုံးတွေနဲ့ပဲ မပြီးတော့ပါဘူး။ ဂျာမနီက Leipzig/Halle လေဆိပ်မှာ ဖြစ်ပွားခဲ့တဲ့ ဒရုန်းဖြစ်စဉ်အတွက် ရုရှားကို တာဝန်ရှိတယ်လို့ စက်တင်ဘာ ၁ ရက်မှာ တရားဝင်စွပ်စွဲပြီး Bonn မြို့ရှိရုရှားကောင်စစ်ဝန်ရုံးကိုစက်တင်ဘာ၁၈ရက်မှာပိတ်ဖို့ ဆုံးဖြတ်ခဲ့ပါတယ်။ ရုရှားဘက်က အဲဒီစွပ်စွဲချက်ကို ငြင်းဆိုထားပါတယ်။
အခု စက်တင်ဘာ၇ရက်မှာရုရှားကလည်းတုံ့ပြန်တဲ့အနေနဲ့ St. Petersburg ရှိဂျာမန်ကောင်စစ်ဝန်ရုံးကိုစက်တင်ဘာ၁၈ရက်နောက်ဆုံးထားပိတ်ဖို့အမိန့်ထုတ်လိုက်ပါတယ်။ ဒါ့အပြင် ရုရှားနိုင်ငံအတွင်းရှိ ဂျာမန် Goethe-Institut ယဉ်ကျေးမှုစင်တာတွေကိုလည်းပိတ်သိမ်းပြီးဝန်ထမ်းတွေကိုစက်တင်ဘာ၁၃ရက်နောက်ဆုံးထားထွက်ခွာဖို့ မော်စကိုက အမိန့်ပေးထားပါတယ်။
ရုရှားနိုင်ငံခြားရေးဝန်ကြီးဌာနက လက်ရှိတင်းမာမှုအဆင့်သစ်အတွက် ဂျာမနီဘက်မှာ တာဝန်ရှိတယ်လို့ စွပ်စွဲထားပါတယ်။ ဂျာမနီဘက်ကတော့ ရုရှားရဲ့ “hybrid” လုပ်ဆောင်မှုတွေကို အမျိုးသားလုံခြုံရေး ခြိမ်းခြောက်မှုအဖြစ် မြင်ထားပြီး ယူကရိန်းကို စစ်ရေးနဲ့ အရပ်ဘက်အကူအညီ ဆက်ပေးသွားမယ်လို့ ဆိုပါတယ်။
အခုအခြေအနေအရဘာလင်နဲ့မော်စကိုကြားတင်းမာမှုဟာယူကရိန်းစစ်ပွဲဆိုင်ရာသဘောထားကွဲလွဲမှုကနေကျော်လွန်ပြီးကောင်စစ်ဝန်ရုံးတွေ၊ယဉ်ကျေးမှုအဖွဲ့အစည်းတွေနဲ့နှစ်နိုင်ငံသံတမန်ဆက်ဆံရေးကိုပါတိုက်ရိုက်ထိခိုက်လာတဲ့အဆင့်ကိုရောက်ရှိနေပါတယ်။
