ဗြိတိန်သည် ယူကရိန်းကို တာဝေးပစ် Storm Shadow ခရုဇ်ဒုံးကျည်များ ထပ်မံပေးပို့ရန် စီစဉ်နေကြောင်း အကြောင်းအရာသိရှိသူများကို ကိုးကားပြီး Bloomberg က ဖော်ပြခဲ့သည်။ ယင်းသတင်းကို Reuters ကလည်း ပြန်လည်ဖော်ပြထားသည်။
ဆောင်းရာသီမတိုင်မီ ယူကရိန်း၏ စွမ်းအင်နှင့် အရပ်ဘက်အခြေခံအဆောက်အအုံများကို တိုက်ခိုက်နေသည့် ရုရှားစစ်ရေးလုပ်ငန်းများအား ဟန့်တားနိုင်ရန် အဆိုပါဒုံးကျည်များဖြင့် အထောက်အကူပြုမည်ဟု သတင်းတွင် ဆိုထားသည်။ ပစ်မှတ်များမှာ ယင်းတိုက်ခိုက်မှုများတွင် ပါဝင်နေသော ရုရှားစစ်ဘက်အဆောက်အအုံများဖြစ်ကြောင်း ဖော်ပြထားသည်။
သို့သော် ဒုံးကျည်အရေအတွက်နှင့် ပေးပို့မည့်အချိန်အတိအကျကို မထုတ်ပြန်သေးဘဲ ဗြိတိန်အစိုးရကလည်း သတင်းအပေါ် မှတ်ချက်ပေးရန် ငြင်းဆိုထားသည်။
