Tag: Ukraine

စပိန်နိုင်ငံ၊ တိုလီဒိုပြည်နယ်တွင် အောက်တိုဘာ ၂၈ ရက်က အမြန်ရထားနှစ်စီး တိုက်မိမှုကြောင့် အနည်းဆုံး ၆၈ ဦး သေဆုံးပြီး ဒါဇင်နှင့်ချီ ဒဏ်ရာရရှိခဲ့သည်။ Renfe ရထားက ရပ်တန့်နေသော Iryo ရထားကို နောက်မှဝင်တိုက်ခဲ့ခြင်းဖြစ်ပြီး ကယ်ဆယ်ရေးနှင့် စုံစမ်းစစ်ဆေးမှုများ ဆက်လက်ဆောင်ရွက်နေသည်။

အောက်တိုဘာ ၂၅ ရက်တွင် ရုရှားနိုင်ငံ၊ Lipetsk ပြည်နယ်၊ Yelets မြို့ရှိ Energia စက်ရုံ ဒုံးကျည်ဖြင့် တိုက်ခိုက်ခံရပြီး မီးလောင်ခဲ့ကြောင်း သတင်းများက ဖော်ပြသည်။ စက်ရုံသည် Iskander နှင့် Kinzhal ဒုံးကျည်များအတွက် ဘက်ထရီများ ထုတ်လုပ်ပေးနေသည်။ Storm Shadow ဒုံးကျည် အသုံးပြုခဲ့ခြင်း၊ ပျက်စီးမှုပမာဏနှင့် လူထိခိုက်မှုတို့ကို အတည်မပြုနိုင်သေးပေ။

ဗီယက်နမ်က ဆောင်းရာသီမတိုင်မီ ယူကရိန်းအတွက် အမေရိကန်ဒေါ်လာ ၅ သိန်းတန် လူသားချင်းစာနာမှုအကူအညီ ပေးအပ်ခဲ့ကြောင်း ယူကရိန်းနိုင်ငံခြားရေးဝန်ကြီး အန်ဒရီ ဆီဘီဟာက အောက်တိုဘာ ၂၀ ရက်တွင် ပြောကြားခဲ့သည်။ အကူအညီလိုအပ်နေသည့် ယူကရိန်းပြည်သူများအတွက် အချိန်ကိုက်ကူညီမှုဖြစ်ကြောင်း ၎င်းက ကျေးဇူးတင်စကား ပြောဆိုခဲ့သည်။

အမေရိကန်သမ္မတဟောင်း ဘီလ်ကလင်တန်က အောက်တိုဘာ ၂၀ ရက်၊ ဖလော်ရီဒါပြည်နယ် မဲဆွယ်ပွဲတွင် ထရမ့်သည် “ယူကရိန်းကို စွန့်ပစ်ပြီး ပူတင်ကို ပြန်ဖက်တွယ်လိုက်ပြီ” ဟု ဝေဖန်ခဲ့သည်။ မဟာမိတ်နိုင်ငံများကို “အမှိုက်လို ဆက်ဆံနေတာကို စိတ်ကုန်နေပြီ” ဟုလည်း ပြောကြားခဲ့သည်။

ယူကရိန်းတပ်ဖွဲ့များ၏ Starshield ဂြိုဟ်တုဆက်သွယ်ရေး ကန့်သတ်ခံရမှုကို ပါတီနှစ်ရပ်ပူးပေါင်း စစ်ဆေးရန် ပြင်ဆင်နေပြီး အီလွန်မတ်စ်ကိုပါ ကျမ်းကျိန်စစ်မေးနိုင်ကြောင်း အမေရိကန်အမတ် ဘရိုင်ယန်ဖစ်ဇ်ပက်ထရစ်က ပြောသည်။ မတ်စ်က ကန့်သတ်မှုကို အမိန့်ပေးခဲ့ကြောင်း WSJ က ဖော်ပြသော်လည်း ထရမ့်အစိုးရနှင့် ကြိုတင်ညှိနှိုင်းခဲ့ခြင်းရှိ၊ မရှိ မရှင်းလင်းသေးပါ။

ပူတင်အပေါ် ပြစ်တင်ဝေဖန်မှုရှောင်ကာ ယူကရိန်းကို စစ်အဆုံးသတ်ရေး သဘောတူညီချက်ရယူရန် ထရမ့်က ဖိအားပေးနေသည်။ အမေရိကန်အထူးကိုယ်စားလှယ် စတိဗ်ဝစ်ကော့ဖ်သည် အော်စလို၌ ဇလန်းစကီးနှင့် ဥရောပခေါင်းဆောင်များကို တွေ့ဆုံပြီးနောက် အောက်တိုဘာ ၂၁ ရက်တွင် ရုရှား၌ ပူတင်နှင့် ဆက်လက်ဆွေးနွေးခဲ့သည်။

အမေရိကန်သည် USS Theodore Roosevelt လေယာဉ်တင်သင်္ဘောအုပ်စုနှင့် USS Makin Island ကုန်းရေနှစ်သွယ်စစ်ဆင်ရေးအုပ်စုတို့ကို အရှေ့အလယ်ပိုင်းသို့ စေလွှတ်နေကြောင်း Fox News က ဖော်ပြသည်။ တပ်ဖွဲ့ဝင် တစ်သောင်းခန့်ပါဝင်သည့် အဆိုပါအုပ်စုများသည် နိုဝင်ဘာလကုန်အမီ ရောက်ရှိရန် မျှော်မှန်းထားပြီး အီရန်အပေါ် စစ်ရေးအရေးယူမှု ပြန်လည်ပြုလုပ်နိုင်ခြေရှိနေချိန်နှင့် တိုက်ဆိုင်နေသည်။

ယူကရိန်းတပ်ဖွဲ့များက ဒဏ်ရာရစစ်သားတစ်ဦးကို ရှေ့တန်းမှ ပျံသန်းဒရုန်းဖြင့် အောင်မြင်စွာ ကယ်ထုတ်ခဲ့ကြောင်း အောက်တိုဘာ ၁၉ ရက်တွင် ထုတ်ပြန်ခဲ့သည်။ မိုင်းများနှင့် ရုရှားဒရုန်းအန္တရာယ်ကြောင့် မြေပြင်မှ ကယ်ထုတ်မရသဖြင့် ယခုနည်းလမ်းကို အသုံးပြုခဲ့ခြင်းဖြစ်သည်။ စစ်သားမှာ အသက်အန္တရာယ်ကင်းရှင်းပြီဖြစ်ပြီး၊ ယူကရိန်းဘက်က ယင်းကို ကမ္ဘာ့ပထမဆုံးဟု ဖော်ပြထားသည်။

ဗြိတိန်ဘီလျံနာနဲ့ Virgin Group တည်ထောင်သူ Richard Branson က ယူကရိန်းအတွက် ထောက်ခံရပ်တည်ကြောင်း ထပ်မံပြသပြီး အမေရိကန်သမ္မတ Donald Trump အစိုးရရဲ့ မူဝါဒတွေကို ပြင်းပြင်းထန်ထန် ဝေဖန်လိုက်ပါတယ်။ အောက်တိုဘာ ၁၅ ရက် LinkedIn ရေးသားချက်မှာ Branson က Trump အစိုးရဟာ အမေရိကန်ပြည်သူတွေနဲ့ လွတ်လပ်တဲ့ကမ္ဘာရဲ့ အကျိုးစီးပွားထက် အာဏာရှင်တွေကို ...

ရုရှားနိုင်ငံ စိန့်ပီတာစဘတ်မြို့တွင် အောက်တိုဘာ ၁၈ ရက် အစောပိုင်း ဒရုန်းတိုက်ခိုက်မှုကြောင့် ဆိပ်ကမ်းအနီး မီးလောင်မှုများ ဖြစ်ပွားခဲ့သည်။ ရေနံဆိပ်ကမ်း ထိခိုက်ခဲ့ကြောင်း သတင်းများရှိသော်လည်း ပျက်စီးမှုပမာဏကို အတည်မပြုနိုင်သေးပါ။ ယင်းဖြစ်စဉ်သည် ရုရှားစွမ်းအင်အဆောက်အအုံများကို မတိုက်ခိုက်ရန် Trump တောင်းဆိုနေချိန်တွင် ဖြစ်ပွားခဲ့ခြင်းဖြစ်သည်။