U.S. Gumsan Magam Donald Trump gaw “Anhte Greenland hpe ra ai”, nga nna, April 6, 2026, bat Langai Ya shani, kahtap tsun ai.
Amerikan a jinghku, Uropa Dan mungdan ni gaw shanhte a hpyendap dabang hte ntsa lamu ni hpe US a Iran majan a matu jai lang na n hkam pat hkum ai ten, Trump a ndai ga pru wa ai lam re.
Iran pat da ai Hormuz hka gyip bai hpaw lu hkra matu NATO mungdan ni hpe hpyen sanghpaw ni sa nna shanglawm garum na lam US lajin ai raitim ningdang kau ai.
Dai re majaw, April 1, 2026 ya shani Reuters hte The Daily Telegraph shiga dap yan hte san shaga ai shaloi, NATO kaw nna US pru le na lam hpe shi n myit n mai nan rai nga sai lam, Gumsan Trump tsun wa sai.
Arctic nammukdara hte Dingdung Atlantic nammukdara lapran, nga ai Greenland gaw NATO malawm Denmark mungdan kata lawm ai zunlawng kaba re.
