“This Is Us” ဇာတ်လမ်းတွဲဖြင့် လူသိများသည့် မင်းသမီး Chrissy Metz က မိမိ၏တန်ဖိုးသည် ဟောလိဝုဒ်အောင်မြင်မှုများထက် ဘုရားသခင်၏ သားသမီးဖြစ်ခြင်းအပေါ် အခြေခံကြောင်း မျှဝေပြောကြားခဲ့သည်။
တစ်ခါတစ်ရံ မိမိ၏အရည်အချင်းကို သံသယဝင်ခြင်း၊ ရရှိသည့်ဇာတ်ကောင်နေရာနှင့် မထိုက်တန်သလို ခံစားရခြင်းများ ရှိသော်လည်း ဆုတောင်းခြင်းက မိမိတန်ဖိုးကို အောင်မြင်မှုဖြင့် သက်သေပြရန် မလိုကြောင်း ပြန်လည်သတိရစေသည်ဟု ဆိုသည်။
“ဆုတောင်းပြီး ဘုရားသခင်ရဲ့ သားသမီးတစ်ယောက်ဖြစ်တာကို ပြန်သတိရတဲ့အခါ ကျွန်မအတွက် အလွန်နှိမ့်ချစိတ် ဖြစ်စေပါတယ်။ ဘုရားသခင်ရဲ့ ပုံသဏ္ဌာန်တော်နဲ့အညီ ဖန်ဆင်းခံထားရတာကပဲ လုံလောက်ပါတယ်” ဟု Metz က ပြောသည်။
သူမသည် နေ့စဉ် ကျေးဇူးတင်ခြင်း၊ ကျမ်းစာဖတ်ရှုခြင်းနှင့် ဘုရားသခင်ထံ ပွင့်ပွင့်လင်းလင်း ဆုတောင်းပြောဆိုခြင်းတို့ဖြင့် ထိုယုံကြည်ချက်ကို ထိန်းသိမ်းထားသည်။
အနုပညာအလုပ်အတွက် ကျေးဇူးတင်သော်လည်း “ဘဝဟာ ဟောလိဝုဒ်ထက် အများကြီး ပိုကျယ်ပြန့်ပါတယ်” ဟု သူမက ဆိုသည်။ အခွင့်အလမ်းများနှင့် မိမိကိုယ်ကို သံသယဝင်မှုများကြားတွင်လည်း “ဒါဟာ ကျွန်မရဲ့အချိန်မဟုတ်ဘဲ ဘုရားသခင်ရဲ့အချိန်ပါ” ဟူသည့် ယုံကြည်ချက်ဖြင့် ရှေ့ဆက်နေကြောင်း မျှဝေခဲ့သည်။
