Iran hpe htim gasat nga ten, March 13, bat Mali Ya shani, Iraq mung sinna de US KC-135 tanker(wan sau jat nbungli) hkrat nna myitrum 6 si ai shiga hpe US Central Command (Centcom) shagrin ai.
Iran majan hta KC-135 tanker lahkawng shanglawm ai kaw langai mahtang kaw n myit mada ai manghkang byin ai re lam tsun ai.
Ndai gaw jinghku mungdan ntsa byin ai rai nna hpyen wa gap ai n re nga, Centcom tsun nga ai.
Ya ten du hkra, mabyin masa hkrak n tsun shi ai.
