အိန္ဒိယ စစ်ထောက်ပို့ AN-32 လေယာဥ် အာသံမှာ ပျက်ကျ
အိန္ဒိယလေတပ်ရဲ့ AN-32 သယ်ယူပို့ဆောင်ရေးလေယာဥ်တစ်စင်းနိုင်ငံအရှေ့မြောက်ပိုင်းအာသံပြည်မှာဇွန်၁၃စနေနေ့ကပျက်ကျပြီးလေယာဥ်ပေါ်ပါအမှုထမ်း၅ဦးသေဆုံးခဲ့ရပါတယ်။ ယင်းဆိုဗီယက်လုပ်ထောက်ပို့လေယာဥ်ဟာဂျော်ဟတ်လေတပ်စခန်း (Jorhat Air Force Station)ကိုဆင်းသက်ဖို့ချဥ်းကပ်စဥ်ပျက်ကျသွားတာဖြစ်ပါတယ်။ အိန္ဒိယလေတပ်ရဲ့သယ်ယူပို့ဆောင်ရေးအတွက်အဓိကအားထားရတဲ့ AN-32 ကို၁၉၈၄ခုနှစ်ကတည်းကအသုံးပြုနေတာဖြစ်ပါတယ်။ကုန်၇တန်ခွဲနဲ့စစ်သား၅၀တင်ဆောင်နိုင်ပါတယ်။ လက်ရှိအသုံးပြုနေတဲ့လေယာဥ်အစင်းစုစုပေါင်း၁၀၀ဝန်းကျင်ရှိကြောင်းသိရတယ်။
