Democrat Jan. Emily Gregory gaw, laksan mungdaw rapdaw shara ralata poi, US gumsan magam Trump a Mar-a-Lago ban sa nta nga ai, Palm Beach ginwang e galaw ai kaw me dang la sai.
Ndai shara hta, lai wa sai 2024 ralata poi kaw Trump dang lai wa sai mung re. Ya gaw, masha jahpan 180,000 jan nga ai, dai ginra a gawng malai gaw Democrat galai wa ai masa rai nga ai.
Gregory hte shingjawng ai, Republican pati na Slg. Jon Maples gaw Gumsan Trump a madi shadaw lam lu la ai raitim, March 24, 2026, ralata poi shani me n dang ai.
Ya ten, Florida mungdaw rapdaw, federal Lahta Rapdaw (Senate) hte Lawu Rapdaw (US House), masum hte hpe Republican pati sha manat da ai re.
Raitim, Gregory dang ai majaw, Democrat pati a matu, daining November Lawu Rapdaw ralata poi dang nna Rapdaw hpe bai jum tek lu na matu, ahkyak ai lahkam langai mi rai nga ai.
