Miwa jarit hpaw ya ai majaw Myen-KIO Manmaw majan hkring wa na rai kun?
Myen a jinghku Miwa wa, jarit chyinghka ni bai hpaw ya ai majaw Manmaw mare majan hkring wa ra sana rai kun?
“E.. n hkring lu… n hkring lu… Ya hte ndai lapran she rung e rang e nga hkat nga ma ai,” nga nna Manmaw buga masha langai tsun ai.
Miwa gaw, tinang pat da ai KIO uphkang ai Jinghpaw Mung jarit chyinghka yawng matsat hta masha pru shang hte hpaga ginlen lam ni hpe October 25, 2025 kaw na bai hpaw ya sai. Dai hta hpaga ginlen chyinghka Kambaiti, Laiza, Mai Ja Yang hte Loije ni lawm ai.
