Manmaw mare kata Myen hpyen kongsi dap hte KIA daphpawm dap lapran gasat gala majan ni shani shagu byin nga ai re.
Madung hpyen kongsi dap Ts.K.Hk 21 dap daju grupyin hta byin nga ai rai nna, hpyen kongsi maga nbungli hte drone n-gun madung dat jai lang let ninghkap gasat nga ai re lam, KIO Shiga Magam Dap lithkam, Du Kaba Nhpang Naw Bu tsun ai re.
Ya ten du hkra gaw, hka lam, hkarang lam hku nna shinggan Myen hpyen garum ni Manmaw de n du wa shi ai lam, Du Kaba matut tsun ai re.
