Venezuela hpe US gan uphkang wa sana re lam, January praw 3 manap jau, dai mungdan hpe htim gasat nna Gumsan Magam Nicolas Maduro hpe lu rim ai hpang, US Gumsan Magam Donald Trump tsun wa sai.
Mungchying masha ni matu pru wa na kaja ai asuya hpe daru magam ap ya ai aten du hkra, Venezuela hpe uphkang na re nga nna, Trump tsun sanglang ai.
‘Kani nanghpam hte laknak’ gabaw hte seng ai tawt lai mara hte Gumsan Magam Maduro hpe New York na tara rung langai kaw tara jeyang sa wa na re lam, American shiga lawk ni tsun ai.
Venezuela gaw mungkan e kaba dik sau la-ing nga ai mungdan rai nga ai. Dai gaw mungkan ting na sau la-ing manga hta na ganoi langai, rai nga ai.
US Congress (rapdaw) hte n bawng ai sha, ya na zawn Venezuela majan baw ai lam gaw, n tara ai nga nna, ninghkap pati democrat ni dinglun tawn ai re.
