Manmaw mare na Myen hpyendap Hk.L.Y 47 hte Ts.Ts.N 641 hpe KIA hte jinghku dap ni, December 26 ya shani zing madu la sai lam, shawnglam shiga lawk tsun ai.
Dap zing ai kaw hpyen wa maga si ai ni kaw du madang lawm nna laknak hte hpyen bawng nkau lu rim ai lam, matut chye lu ai.
Ndai dap lahkawng lu zing ai majaw grau kaba ai hpyen wa a Ts.K.Hk 21 hte Manmaw Dakkasu wutdek nta ni kaw rawng nga ai dap ni hpe htim gasat lu na mahkrun hpaw ya ai masa rai nga ai.
