Ndai kalang bai byin wa ai mungdan ting madang mungshawa ninghkap n-gun madun poi a majaw Iran gumshem asuya kadawng mat na madang kaw du nga sai lam, Iran mungmasa yu maram ai ni tsun nga sai.
Ninghkap n-gun madun shawa ni, myo mare kaba lam n’maw ni hpe madu ka-up kau ai ten, gumshem asuya hku nna mungdan ting madang internet pat kau ai bat lahkawng rai wa sai re.
Iran gaw, Islamic Revolutionary Guard Corps (IRGC), hpyendap hpe jai lang nna shawa n-gun madun poi hpe hpyen ladat hte hparan jasan wa chye ai lam, Iran gumshem asuya ninghkap hpung ni sadi jaw nga masai.
Lama na, n-gun madun shawa hpe gap kapaw sat nat ai lam ni galaw wa yang, Iran hpe hpyen masa hte ahkyak la wa na re lam, US gumsan magam Donald Trump, sadi jaw da ai lam nga ai.
